«Գայթակղությունը մեծ էր ավելի կոշտ որակումներ տալ, բայց պահել ենք թե իրավական, թե քաղաքական լեզուն եւ դա բխում է մեր երկարաժամկետ ռազմավարությունից»,- այսպես գնահատեց ԱԺ արտաքին հարաբերությունների հանձնաժողովի նախագահ Արմեն Աշոտյանը`ՀՀ ԱԺ հայտարարությունը`սումգայիթյան ոճրագործության 30-րդ տարելիցի կապակցությամբ: Հայտարարության տեքստն այսօր քննարկվում էր հանձնաժողովում:
«Նման քաղաքական հայտարարության անհրաժեշտություն կա»,- ասաց հիմնական զեկուցող Արմեն Աշոտյանը`հավելելով, որ այն կազմելուց առաջ խորհրդակցել են փորձագիտական հանրության հետ: Ի դեպ, հայտարարության համահեղինակ են ԱԺ այս գումարման բոլոր խմբակցությունները:
Ըստ Արմեն Աշոտյանի, հայտարարության տեքստը սեղմագիր է, որտեղ ներկայացված են արցախյան շարման առաջին օրից առ այսօր ուղեկցվող ոճրագործություններով եւ հայաթափման ադրբեջանական մոտեցումները:
«Ադրբեջանում հակահայկական քաղաքականությունը պետական քաղաքականություն է»,- ասաց Արմեն Աշոտյանը`նկատելով, որ այդ քաղաքականությունն ուղղորդվում է միջազգային տարբեր նորմերի խախտումներով ու, ցավոք, ոչ բոլոր դեպքերն են միջազգային հանրության ուշադրությանն արժանացել: Հայտարարությունն առավելապես արտաքին լսարանին են ուղղված:
Երեկ այս թեմայով կայացած խորհրդարանական լսումները, Արմեն Աշոտյանը շատ հաջողված է համարում:
Ի դեպ, երեկ Ադրբեջանի ԱԳՆ-ն եւ դատախազությունը հայտարարություն են տարածել`սումգայիթյան դեքերի վերաբերյալ: Արմեն Աշոտյանը պատահական չի համարում, որ դա արվել է երեկ է արվել:
Այլ մանրամասները`տեսանյութում:
Նելլի ԳՐԻԳՈՐՅԱՆ
