«Ելք» խմբակցությունը այսօր ԱԺ-ում լսումներ է հրավիրել՝ 2008-ի մարտի 1-2-ի իրադարձությունների վերաբերյալ ԱԺ հայտարարության նախագիծը քննարկելու հետ կապված:
Լսումները պետք է սկսվեին առավոտյան 11-ին, բայց դրանք սկսվեցին մոտ 20 րոպե ուշացումով:
Պատճառն այն էր, որ ԱԺ ներս չէին թողնում Վարդգես Գասպարիին:
«Ելք» խմբակցության ղեկավար Նիկոլ Փաշինյանը հայտարարեց. «Վարդգես Գասպարիին հրաժարվում էին ներս թողնել: Ես տեղյակ պահեցի ԱԺ նախագահին՝ Բաբլոյանին, ասացի, որ դա մեզ համար անհանդուրժելի է, որովհետեւ խմբակցությունը այդ մարդուն անցագիր է տվել, հրավիրել է լսումների եւ ինչ-որ ծառայություն որոշում է, որ այդ մարդը ներս պիտի չմտնի ԱԺ: Սա դատապարտելի է եւ միանշանակ ես ասում եմ, որ Գասպարին պետք է ներս մտնի: Իհարկե, մարդը վիրավորվեց դրանից»:
Լսումները սկսվեցին Մարտի 1-ի զոհերի հիշատակը հարգելով:
Հռիփսիմե ՋԵԲԵՋՅԱՆ
