Հանրապետության տարածքում`
Փետրվարի 22-ի ցերեկն առանձին շրջաններում, 26-27-ը շրջանների զգալի մասում ժամանակ առ ժամանակ սպասվում են տեղումներ: 23-25-ը սպասվում է առանց տեղումների եղանակ:
Քամին՝ հարավ-արևմտյան՝ 3-8 մ/վ արագությամբ:
Օդի ջերմաստիճանը 23-ի ցերեկը և 26-ի գիշերը կբարձրանա 3-4 աստիճանով, 26-ի ցերեկը կնվազի 2-3 աստիճանով:
Երևան քաղաքում՝
Փետրվարի 22-ի ցերեկը կա անձրևի փոքր հավանականություն, 26-27-ը ժամանակ առ ժամանակ սպասվում է անձրև, 23-25-ը սպասվում է առանց տեղումների եղանակ:
Երևան քաղաքի փետրվարի 23-ի բազմամյա կլիմայական տվյալներ.
- Օդի առավելագույն ջերմաստիճան՝ 15.60C (1986 թ.)
- Օդի նվազագույն ջերմաստիճան՝ -22.40C (1985 թ.)
- Օդի միջին օրական ջերմաստիճան՝ 0.30C
ՀՀ ԳԵՏԵՐԻ, ԼՃԵՐԻ ԵՎ ՋՐԱՄԲԱՐՆԵՐԻ ՎԻՃԱԿԸ: ՏՎՅԱԼՆԵՐ ՍԵՎԱՆԱ ԼՃԻ ՎԵՐԱԲԵՐՅԱԼ.
Գետերը գտնվում են ձմեռային սակավաջուր փուլում:
Հողի արդյունավետ խոնավության պաշարների գնահատականը աշնանացանի դաշտում
Ելնելով դիտված եղանակային պայմաններից՝ աշնանացան ցորենի դաշտում, հողի արդյունավետ խոնավության պաշարները (2017 թ. սեպտեմբերից մինչև 2018 թ. փետրվարի 20-ի դրությամբ) Օձունում 0-20 սմ շերտում կազմել են 28 մմ, 0-50 սմ շերտում՝ 66 մմ, Իջևանում համապատասխանաբար՝ 35 մմ, 82 մմ:
ՀՀ ԱԻՆ
