ՀԺ-ն ՊՆ մամուլի խոսնակ Արծրուն Հովհաննիսյանից հետաքրքրվեց, թե իսկապե՚՞ս զորամասերում առկա է լվացքի մեքենաների խնդիր, որ այսպես մտահոգության առիթ է դարձել։
– Պարոն Հովհաննիսյան, զորամասերում զինվորներն իրենց հագուստն ինչպե՞ս են լվանում։ Լվացքի մեքենաներ կա՞ն, թե՞ զինվորները ձեռքով են լվանում իրենց հագուստը։
– Լվացքի մեքենաներ կան։
– Բոլոր զորամասերում կա՞ն։
– Այո։ Ընդհանրապես լվացքատուն հասկացություն կա բոլոր զորամասերում։
– Իսկ տեղյա՞կ եք. որ ֆբ-ում հիմա քննարկվում է մի երիտասարդի գրառում, որը նշել է, թե սահման պահող զինվորը լվացքի մեքենա չունի եւ ցրտին ձեռքով է լվացք անում։ Նա նույնիսկ իր ծննդյան նվերների գումարով որոշել է լվացքի մեքենաներ գնել Եղնիկների ու Մռավի համար։
– Ֆեյսբուքում շատ բան են քննարկում։
– Այսինքն, լվացքի մեքենաների կարիք չկա՞։
– Հնարավոր է, որ զորամասերից մեկում լվացքի մեքենաներից մեկը-երկուսը փչացած լինի կամ մեկ այլ զորամասում համալրման կարիք լինի։
Ո՞նց կարող է զորամասերում ընդհանրապես խնդիր չլինել։
– ՊՆ-ն նման նախաձեռնություններին ինչպե՞ս է վերաբերվում։
– Նայած նախաձեռնության, եթե դա առանց հիստերիայի է՝ նորմալ։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
