Երեւանի ավագանու «Երկիր ծիրանի» խմբակցության անդամ Մարինա Խաչատրյանի դեմ բռնություն գործադրած ՀՀԿ-ականների շարքում նաեւ փոխքաղաքապետ Դավիթ Օհանյանն էր. նա ասում է, որ ինքն ընդամենը կանխարգելիչ աշխատանքներ է տարել։
– Պարոն Օհանյան, հիմա, երբ կրքերը հանդարտվել են, ինչպե՞ս եք զգում Ձեր պահվածքի համար, Դուք եւս բռնություն գործադրողների շարքում էիք, եթե չասենք՝ ամենաակտիվը։
– Գիտեք, տեղս հարմար չի. հետո։
– Եթե այսօր լիներ այդ միջադեպը, նույնկե՞րպ կվարվեիք։
– Չէ, նույն կերպ, ես ո՛չ բռնություն եմ գործադրել, ո՛չ մի բան, ես ընդամենը կանխարգելել եմ այն ամենը, ինչ որ փորձվում էր արվեր, ես ընդամենը կանխարգելիչ աշխատանքներ եմ արել, կանխարգելել եմ անհավասարակշիռ գործողությունները։
– Դուք առաջինը նետվեցիք ու հրում էիք երիտասարդ տիկնոջը, հրելով դուրս հանում, դա պարզ երեւում է տեսանյութերում։
– Ես իրան ըտեղից վերցրել եմ ու դուրս հրավիրել՝ առանց բռնություն գործադրելու, իմ ո՛չ դաստիարակությունը, ո՛չ կենսագրությունը թույլ չի տա, որ կնոջ վրա բռնություն գործադրեմ։
– Իսկ ինչպե՞ս եք «վերցրել ու դուրս հրավիրել»։
– Ես ասացի՝ զբաղված եմ, հետո, հա՞:
Լուսինե ՇԱՀՎԵՐԴՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
