Երբ փետրվարի 13-ին «Երկիր Ծիրանիի» ավագանիները «Նուբարաշեն» ՔԿՀ-ի վնասված կոյուղատարի հարցը բարձրացրին ավագանու նիստում, ծեծկռտուք տեղի ունեցավ, ինչը եւս մեկ անգամ Նուբարաշենի խճուղու բնակիչներին հնարավորություն տվեց ահազանգել գարշահոտության մասին: «Կոյուղաջուրը քաղաքապետարան տանելը ճիշտ քայլ էր, բայց վեճը տեղին չէր: Չի կարելի կնոջը քաշքշել…մենք վեց տարի՝ այդ հոտը քաշում ենք: Թող իրենք էլ ընդամենը մեկ վայրկյան քաշեն»»,-Aravot.am-ի հետ զրույցում ասում է ՔԿՀ-ի հարակից շենքի բնակիչներից Քնար Գասպարյանը:
«Երեխաները բակ իջնել-խաղալ չեն կարողանում, պատուհանները բացել չենք կարողանում…»,-դժգոհում է նա:
Քնար Գասպարյանը նշեց, որ ՔԿՀ-ի վնասված կոյուղատարի գարշահոտության պատճառով հարակից հինգ շենքերում անգամ հրաժարվում են բնակարան վարձակալել կամ գնել. «Ուզում եմ վաճառել՝ առնող չկա: Համացանցում էլ գրած է, որ քաղաքի ամենաէժան տները Նուբարաշենում են: Բոլորը գնում են այստեղից»:
Մեր զրուցակցի խոսքով՝ տարին երկու անգամ պատկան մարմիններից գալիս-տարածքը զննում են, խոստանում, որ կոյուղատարը կնորոգեն, բայց ոչինչ չեն անում:
Մանրամասները՝ տեսանյութում:
Լուիզա ՍՈՒՔԻԱՍՅԱՆ
