Փետրվարի 11-ին Նոյեմբերյան քաղաքի կենտրոնում Զարուհի Փոստանջյանը քաղաքացիներին բացատրեց էր իր հետ բերված նկարը, ասելով. «Տեսեք`խաղադրույքներ են դրված, խաղաքարեր են … Եվ դժոխքի երաժշտության ներքո այդ մարդիկ ապրում են…Տեսեք`դժոխքի երաժշտության ժամանակ նաեւ մարդկանց ականջն են կտրում, որպեսզի մարդը հնարավորություն չունենա լսելու, ընկալելու, թե ինչ կատարվում: Այսօր մեր ժողովրդին բթացրել են, այդ իսկ պատճառով մեր հայրենակիցները չեն կարողանում պատասխան տրամադրել եւ դուրս գալ այս վիճակից:
Չի կարող լինել այնպես , որ աղքատ պետությունում լինեն միլիարդավոր դոլարների հարստություն կուտակած մարդիկ, որ աղքատ պետության բարձրաստիճան պաշտոնյան ունենա միլիարդավոր դոլարների հարստություն: Ակնհայտ է, որ նա այդ հարստությունը ձեռք է բերել ապօրինի ճանապարհով, ակնհայտ է, որ այդ հարստությունը յուրացրել է մեզնից»:
Ոսկան ՍԱՐԳՍՅԱՆ
