Կոշտ մազերին փափկություն տալու համար պատրաստեք հետեւյալ խառնուրդը. 30 գրամ դեղատնային երիցուկի ծաղիկների վրա՝ չորացված կամ թարմ, լցնել 100 միլիլիտր եռման ջուր, փակել կափարիչով, թողնել թրմվելու 1 ժամ: Հովանալուց հետո քամել եւ ստացված թուրմին ավելացնել 1 թեյի գդալ մեղր:
Նախապես լվացած մազերը թեթեւակի չորացնել սրբիչով եւ հետո ցայել մազերը պատրաստված թուրմով: 30-40 րոպե պահել եւ հետո լվանալ մազերը տաք ջրով:
Չափից ավելի կոշտ մազերի դեպքում խառնուրդի օգտագործումը կրկնել 10-12 օր հետո, իսկ ճարպոտ մազերի դեպքում՝ 6-7 օրը մեկ անգամ:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
07.02.2018
