«Հայաստանի դպրոցներում ռուսերենի ուսուցման ծավալն ու մակարդակը դժգոհելու առիթներ չեն տալիս: Մեր մտահոգությունը կապված է ռուսերենով դասավանդման 48 եւ ռուսերենով խորացված ուսուցման 63 հանրակրթական դպրոցների հետ»,- այսօր ԱԺ հայտարարությունների ժամին այսպիսի մտահոգություն հայտնեց «Ծառուկյան» խմբակցության պատգամավոր Տատյանա Միքայելյանը:
Նա ասաց, որ խնդիրը դասագրքերն են, դրա պատճառով մարզերից ծնողները հաճախ երեխաներին բերում են Երեւան, կամ ուղարկում ՌԴ՝ հարազատների մոտ:
Միքայելյանը նշեց, որ ՌԴ դեսպանատան աջակցությամբ թարգմանվել եւ դպրոցներին են նվիրվել տարբեր դասագրքեր, բայց վերջին տարիներին դպրոցների վրա է այդ հարցը:
Ռուսերեն դասավանդող մասնագետների խնդիր էլ կա, ըստ նրա, ՀՀ-ում այդ պրոֆիլի մասնագետներ չեն պատրաստում: Պատգամավորը դիմեց ՌԴ դեսպանատանը, ԿԳՆ-ին՝ ասելով՝ այս վիճակը հարիր չէ ՀՀ-ՌԴ ներկայիս բարձր մակարդակի հարաբերություններին: Եթե չեք ուզում, որ այս լուսավոր դարում հանրակրթության մեջ ռուսական սեկտորը վերջնականապես կործանվի, պետք է սա դարձնենք համակողմանի քննության առարկա:
Հռիփսիմե ՋԵԲԵՋՅԱՆ
Պատգամավորը դիմեց ՌԴ դեսպանատանը՝ ռուսաց լեզվի դասավանդումը մեր դպրոցներում նորմալ դասավանդելու հարցով ??????????????????????