RAEX-Europe վարկանիշային գործակալությունը Հայաստանի կառավարության սուվերեն վարկանիշը «B+»-ից դարձրել է «BB-», իսկ երկրի վարկային վարկանիշը՝ «B»-ից «B+»:
Զեկույցում նշվում է, որ Հայաստանի սուվերեն վարկանիշի բարձրացումը արտացոլում է բյուջեի ցուցիչների կայուն և հետևողական բարելավումը, տնտեսական աճի հեռանկարների բարելավումը և բանկային համակարգի պահպանվող կայունությունը:
Բացի այդ, բարձրացել է Հայաստանի Կենտրոնական բանկի դրամավարկային քաղաքականության տրանզիտային մեխանիզմների արդյունավետությունը, իսկ արտաքին սեկտորի ցուցիչները մի փոքր բարելավվել են, չնայած այն բանին, որ դոլարիզացման մակարդակը տնտեսության մեջ մնում է բարձր:
«Այնուամենայնիվ, պետական պարտքը մնում է բարձր՝ չնայած ակնկալվում էր, որ այն կկրճատվի, տնտեսության մրցունակությունը ցածր մակարդակի վրա է, իսկ տնտեսությունը շարունակում է ենթարկվել արտաքին ցնցումների»,- գրում են զեկույցի հեղինակները՝ զգուշացնելով, որ Հայաստանի դրամավարկային քաղաքականության արդյունավետությունը կարող է զգալիորեն նվազել, եթե դոլարիզացման ներկա մակարդակը պահպանվի:
Պատրաստեց՝ Վիկտորյա ԱՆԴՐԵԱՍՅԱՆԸ
