Փետրվարի 3-ին Նյու-Յորքի «Կարնեգի Հոլում» կայացած «Forte international competition» միջազգային մրցույթ-համերգին Ստեփանակերտցի երիտասարդ տաղանդաշատ դաշնակահարուհի Անահիտ Առուշանյանն արժանացել է առաջին մրցանակի, ինչպես նաև ստացել հատուկ մրցանակ՝ լավագույն կատարողական տեխնիկայի համար և ոսկե մեդալ:
Հիշեցնենք, որ Անահիտ Առուշանյանը մի շարք միջազգային մրցույթների հաղթող է: Միայն 2017 թվականին Վրաստանում Մոցարտին նվիրված միջազգային մրցույթում արժանացել է առաջին մրցանակի, Կանարյան կղզիներում հոկտեմբերին կայացած իսպանական ամենամյա միջազգային «Stars at Tenerife» (Տեներիֆեի աստղերը) մրցույթ-փառատոնին արժանացել է «Գրան-պրի» մրցանակի, նոյեմբերին ԱՄՆ-ում կայացած «Մանհեթեն » միջազգային երաժշտական մրցույթում՝ առաջին մրցանակի:
Մամուլի հաղորդագրություն
