«Հայաստանը ԵԱՀԿ գործընթացի անդամ է: Հրադադարի պայմանների յուրաքանչյուր զինված խախտում, յուրաքանչյուր դեպք պետք է գիտական ձեւով արձանագրվի, փաստագրվի, ներկայացվի, որպեսզի միջազգային իրավական ատյանները կարողանան դրան անդրադառնալ եւ հնարավորինս հակազդել նման գործողություններին»,- խորհրդարանում լրագրողների հետ զրույցում ասաց Շվեյցարիայի Համադաշնության Ազգային խորհրդի նախագահ Դոմինիկ դը Բյումանը`պատասխանելով Ադրբեջանի շարունակական սպառազինությանը վերաբերող հարցին:
Բանախոսը նկատեց` զինման եւ պատերազմական դրությունների էսկալացիա կա ամբողջ աշխարհում, ուստի նման մեխանիզմները պետք է գործեն ամենուր, որ կասեցվի վերադարձը դեպի պատերազմ` այս կամ այն վայրում:
Լրագրողներից մեկը հետաքրքրվեց`ադրբեջանական հայտնի նավթային ընկերությունը մեծ ներդրումներ է արել իր երկրի տնտեսության մեջ. հնարավո՞ր է քաղաքական շահերը ստորադասվեն տնտեսական շահերին: Դոմինիկ դը Բյումանը պատասխանեց`իր երկրում երբեք անազնիվ չեն գործում, իսկ տնտեսական հարաբերությունները կառուցում են բացառապես սեփական երկրի եւ ժողովրդի եւ այդ երկրի տնտեսական շահերից ելնելով:
ՀՀ ԱԺ նախագահ Արա Բաբլոյանն էլ հավելեց`շվեյցարացիներն ավելի ազնիվ են, քան կարելի է պատկերացնել: Հիշեցրեց, թե 2016 թվականին, ԵԽԽՎ-ում ինչպե՞ս են շվեյցարացի խորհրդարանականները փրկել Հայաստանը:
Մանրամասները`տեսանյութում
Նելլի ԳՐԻԳՈՐՅԱՆ
