«Գինին շատ կարեւոր է, հանքերն էլ շատ կարեւոր են»,-այսպես արձագանքեց հայ-շվեյցարական առեւտրային պալատի նախագահ Մայք Բարոնյանը լրագրողների այն հարցին, թե շվեյցարացիներին ՀՀ-ում որ ոլորտներն են գրավում: Բարոնյանը Հայաստանի զարգացման հիմնադրամի կազմակերպված «Հայաստան-Շվեյցարիա» գործարար հանդիպման ժամանակ լրագրողների հետ զրույցում նշեց մի քանի ոլորտներ, որտեղ շվեյցարական ներդրումներ կան. «Պարոն Շուլլերն արդեն հեկտարներով գինու այգիներ է գնել, գինին Շվեյցարիա է ուղարկում: Այսինքն՝ գինու գործարանները շատանում են եւ Հայաստանը շատ լավ գինի է արտադրում: Զբոսաշրջության ոլորտն էլ աճում է, արեւային էներգիան, Հայաստանը շատ արեւ ունի, ու շատ մարդիկ հետաքրքրված են: Չրերով են հետաքրքրված: Միայն խոսքով չէ, բավական մարդիկ սկսել են ներդրումներ անել»:
Թե Հայաստանից ինչ է արտահանվում Շվեյցարիա, պարոն Բարոնյանն ասաց. «Հանքերը, շվեյցարական ընկերությունները հումքը՝ պղինձը, տարբեր մետաղները կգնեն եւ կծախեն տարբեր երկրներում, ծավալները կաճեն»:
Շվեյցարացի գործարարների համար, ըստ Բարոնյանի, կարեւոր է, որ ՀՀ-ն ստորագրել է ԵՄ-ի հետ համաձայնագիրը:
Aravot.am-ի այն հարցին՝ արդյոք ՀՀ-ի՝ ԵԱՏՄ-ի հետ անդամակցությունը խոչընդոտ չէ՞ հայ-եվրոպական տնտեսական հարաբերություններում, Բարոնյանը պատասխանեց. «Ամենեւին: Հակառակը»:
Մանրամասն՝ տեսանյութում
Նելլի ԲԱԲԱՅԱՆ
