Օր երկրորդ
Փետրվարի 4-ին, Շիրակի մարզի Աշոցք համայնքում մեկնարկեց Դահուկավազքի փառատոնի երկրորդ օրը: Փառատոնը կազմակերպվել է Եվրոպական միության պատվիրակության և Հայաստանի դահուկային սպորտի ֆեդերացիայի կողմից:
Փառատոնի երկրորդ օրվա շրջանակում Հայաստանում Եվրոպական միության պատվիրակության ղեկավար, դեսպան, Ն.Գ. Պյոտր Անտոնի Սվիտալսկին, ՀՀ Շիրակի մարզպետ Արթուր Խաչատրյանը, ՀՀ Սպորտի և երիտասարդության հարցերի նախարարի տեղակալ Գաբրիել Ղազարյանը և ՀՀ Զբոսաշրջության պետական կոմիտեի նախագահ Զարմինե Զեյթունցյանը ողջունեցին մասնակիցներին և բոլոր ներկա գտնվողներին:
Ինչպես նաև տեղի ունեցան մանկական ձմեռային խաղեր և մրցաշարեր, 2.5 կմ կանանց մրցաշար դասական ոճում, 5 կմ տղամարդկանց մրցաշար դասական ոճում, որոնց հաջորդեց հաղթողների պարգևատրման արարողությունը: Երեխաների մրցաշարում հաղթող ճանաչվեցին Գոհար Ավետիսյանը՝ առաջին տեղ, Արթուր Հրանյանը՝ երկրորդ տեղ և Աիդա Բեգոյանը՝ երրորդ տեղ: Կանանց մրցաշարում հաղթող ճանաչվեցին Լորի Մանուկյանը՝ առաջին տեղ, Անաստասիա՝ երկրորդ տեղ և Ելենա Ադամյանը՝ երրորդ տեղ: Տղամարդկանց մրցաշարում՝ Անդրանիկ Մարգարյանը՝ առաջին տեղ, Ռուբեն Գասպարյանը՝ երկրորդ տեղ և՝ Մորից Վենգլախները՝ երրորդ տեղ:
Աչքի ընկնող մասնակիցները՝ Արարատ Մոսիկյանը, Դավիթը և Համլետ Գաբրիելյանը, պարգևատրվեցին Հայաստանում Եվրոպական միության պատվիրակության ղեկավար, դեսպան Ն.Գ. Պյոտր Անտոնի Սվիտալսկիի կողմից հատուկ մրցանակներով:
Նշենք, որ փառատոնը Հայաստանում առաջին անգամ անցկացվող երեխաների և մեծահասակների համար նախատեցված Եվրոպական սպորտային փառատոն-մրցաշարերի (#EUSportsFest) շարքից է:
Մամուլի հաղորդագրություն
