Միջազգային և անվտանգության հարցերի հայկական ինստիտուտի (ՄԱՀՀԻ) գրասենյակում «Ռուսաստանի դեմ ԱՄՆ/ԵՄ պատժամիջոցները և դրանց հայկական շավիղները» խորագրով քննարկմանը ՄԱՀՀԻ ասոցացված փորձագետ Ռուբեն Մեհրաբյանը, Ռուսաստանի կողմից հրապարակված այսպես կոչված կրեմլյան զեկույցը բնութագրեց որպես վատ տղաների ցուցակ կամ ինչպես անվանել էր հայտնի ռուս վերլուծաբաններից մեկը՝ «Ալի բաբան և 210 ավազակները»:
Պարոն Մեհրաբյանը, հղում կատարելով ամերիկյան լրատվամիջոցներին, նշեց. «Այս զեկույցում կա գաղտնի մաս, որը հրապարակված չէ, սակայն ամերիկյան մամուլից տեղեկանում ենք, որ այդ գաղտնի մասում նշված են մեխանիզմներ, թե ինչպես դա պետք է կիրառվի: Ասվում է, որ այնտեղ ևս այլ անձինք կան, որոնք հրապարակված ցուցակում ներառված չեն: Որոշ տեղեկությունների համաձայն՝ դա մեթոդական ձեռնարկ է՝ ինչպես վարվել այս կամ այն զարգացումների դեմ: Դրա մասին միայն գիտեն այն մարդիկ, որոնք իրավասություն ունեն կարդալու գաղտնի մասը»:
Տաթև ՀԱՐՈՒԹՅՈՒՆՅԱՆ
