Պոլսահայ լրագրող եւ գրող Վերճիհան Զիֆլիօղլուն «Առավոտի» հետ զրույցում խոսելով Թուրքիա տեղափոխված հայ կանանց մասին՝ նրանց մի քանի խմբի բաժանեց: Վերճիհանի ձեւակերպմամբ՝ նրանց մի մասը «բավականին գեշ» մարմնավաճառությամբ է զբաղվում եւ ահավոր վիճակում է, երկրորդ խումբը այն հայուհիներն են, որոնք թուրքերի հետ են ամուսնացել եւ մահմեդական են դարձել, իսկ հայաստանցի աղջիկների մի մասն էլ Հայաստանում կամ հենց Թուրքիայում ամուսնացել է 50-60-ից բարձր տարիքի հայ տղամարդկանց հետ:
«Օրինակ՝ իմ ընկերներից մեկն ամուսնացած էր, եւ նյութականով տղան իր ընտանիքին էր կապված, վերջիվերջո ամուսնալուծվեցին եւ որոշեցին, որ Հայաստան պիտի գան ու աղջիկ տանեն: Ցավոք, հեշտ է Հայաստանից անապահով աղջիկներ տանելը»,- ասում է լրագրողը:
ԳՈՀԱՐ ՀԱԿՈԲՅԱՆ
«Առավոտ»
31.01.2018
