«Օֆշորային գոտիների» երկրների ցանկը սահմանելիս, այսուհետեւ պաշտոնական փաստաթղթերում չի օգտագործվելու «Օֆշոր» բառը. այն փոխարինվելու է «հարկման հատուկ ազատական համակարգեր ունեցող երկրների» բառերով: Այս մասին նախագիծ է ներկայացրել ֆինանսների նախարար Վարդան Արամյանը: Ֆիննախն իր այդ նախաձեռնությունը պայմանավորում է հարկային օրենսգրքի փոփոխությամբ:
Կառավարության վաղվա նիստում Վարդան Արամյանը նաեւ կհայտնի, որ Եվրամիության կողմից «ոչ խելամիտ» հարկման դրույքաչափեր կամ ազատական համակարգեր ունեցող երկրներ են սկսել դիտարկվել նաեւ Արեւելյան ամերիկյան Սամոան, Թունիսը, Հարավային Կորեան, Մոնղոլիան, Նամիբիան եւ Տրինիդադն ու Տոբագոն, ուստի անհրաժեշտություն է առաջացել այդ երկրները նույնպես դիտարկել որպես ՀՀ հարկային համակարգի համեմատ «ոչ խելամիտ» հարկման դրույքաչափեր կամ ազատական համակարգեր ունեցող երկրներ:
Լուսինե ԲՈՒԴԱՂՅԱՆ
