Whoscored.com.-ը հրապարակել է Լոնդոնի «Արսենալի» կիսապաշտպան Հենրիխ Մխիթարյանի վիճակագրությունը Անգլիայի առաջնության 25-րդ տուրի «Սուոնսիի» հետ արտագնա խաղում:
Հայ ֆուտբոլիստը մրցակցի դարպասին կատարել է մեկ դիպուկ հարված, կատարել 84,4 % ճշգրտությամբ 32 փոխանցում: Գրոհի ժամանակ նա կատարել է մեկ հաջող շրջանցում եւ մեկ անգամ էլ խլել է գնդակը: Մխիթարյանը թույլ է տվել կանոնների երկու խախտում, իսկ նրա հետ պայքարում մրցակիցները կանոն չեն խախտել: Այս ամենի հանրագումարով խաղադաշտում ընդամենը 30 րոպե անցկացրած Հենրիխ Մխիթարյանը ստացել է 6.11 գնահատական, իսկ «զինագործների» թիմում լավագույնը եղել է գոլի հեղինակ դարձած իսպանացի պաշտպան Նաչո Մոնրեալը՝ 7.26 գնահատականով:
Աշոտ ՀԱԿՈԲՅԱՆ
