Հեղինակավոր «Daily Star» հրատարակությունը տեղեկացնում է, որ ԱՊԼ-ի 25-րդ տուրի «Սուոնսիի» հետ արտագնա խաղում ֆուտբոլի Հայաստանի հավաքականի ավագ Հենրիխ Մխիթարյանի անունը նշված է «Արսենալի» հավանական կազմում: Մխիթարյանը նորամուտը կնշի ձախ կիսապաշտպանի դիրքում:
Աղբյուրը հրապարակել է նաեւ ամբողջ թիմի հավանական մեկնարկային կազմը, որում հայ ֆուտբոլիստից բացի խաղադաշտում կարող են լինել Պետեր Չեխը, Հեկտոր Բելյերինը, Լորան Կոսյելնին, Շկոդրան Մուստաֆին, Նաչո Մոնրեալը, Մոհամեդ Էլ-Նեննին, Ջեկ Ուիլշերը, Գրանիտ Ջական, Մեսութ Օզիլը եւ Ալեքսանդր Լյակազետտը:
Աշոտ ՀԱԿՈԲՅԱՆ
