Հնարավոր է՝ նոյեմբերին ՀՀ-ի եւ ԵՄ-ի միջեւ ստորագրված Ընդլայնված եւ համապարփակ գործընկերության համաձայնագրի իրականացումը սկսվի մայիսի մեկից կամ հունիսի մեկից: Այս մասին այսօր լրագրողների հետ հանդիպմանը հայտնեց ՀՀ ԱԳ նախարար Էդվարդ Նալբանդյանը:
«Կարեւոր է, որ ջանքեր գործադրվեն՝ ԵՄ երկրների հետ հարաբերությունների առավել զարգացման ուղղությամբ»,-համոզմունք հայտնեց Նալբանդյանը: Նրա բնորոշմամբ՝ ՀՀ-ԵՄ համաձայնագիրը լուրջ եւ կարեւոր հանգրվան է Եվրամիության հետ հարաբերություններում:
«Հայաստանը հայտարարել է, որ դրա վավերացման ուղղությամբ քայլեր է ձեռնարկում: Հուսով ենք, որ առանց որեւէ խոչընդոտների՝ այն կվավերացնեն ԵՄ անդամ-երկրները»,-հավելեց նա:
Լուիզա ՍՈՒՔԻԱՍՅԱՆ
