Օրեր առաջ հրապարակել էի մի փաստաթուղթ, որում նշվում էր, որ Բաղրամյան 1 հասցեի բակում օրինականացված ապօրինի կառույցի տեղում նախկինում էլ` 1996
թվականից ի վեր եղել է քարե ավտոտնակ: Հարևանները պնդում էին, որ դա այդպես չէ: Google Earth-ն էլ նույնպես պնդում է հակառակը:
Ստորև բերված լուսանկարներում երևում է, որ քաղաքապետարանի կողմից օրինականացված ապօրինի կառույցը վերջին 2-3 տարիներին է հայտնվել այդտեղ:
Ու բնականաբար, Երևանի քաղաքապետարանում մեծ անձնակազմ ունեցող Քաղաքաշինության և հողի վերահսկողության վարչությունը, ինչպես նաև Կենտրոնի վարչական շրջանի աշխատակազմի համապատասխան բաժինը չէին «նկատել» այդ ապօրինությունը: Նրանք համբերատար «չտեսնելու էին» տվել երկու տարի
շարունակ, մինչև որ շինությունը կավարտեն, հետո անսպասելի հայտնաբերել էին շենքը ու նույնքան «անսպասելի» օրինականացնել` թույլ տալով քաղաքացուն
սեփականաշնորհել այն0:
Հա, մոռացա, ջհանդամ, թե այդ կառույցը չի փակում հետևում գտնվող էլեկտրական ենթակայանի մուտքը: Պայթյունի կամ հրդեհի դեպքում որևէ հրշեջ մեքենա այդտեղ չի հասնի, և ոչ մի պաշտոնյայի այս խնդիրը
չի հուզել:
Այսօր լրացուցիչ տեղեկություններ եմ ուղարկել ՀՀ գլխավոր դատախազություն:
Սա կոռուպցիոն սովորական սխեմա է, որը գործել է տասնամյակներ շարունակ: Այն պետք է հիմնահատակ ավերվի: Վստահ եմ, որ այս բացահայտումից հետո նշված
վարչությունում ամենաբարձր մակարդակով պետք է լինեն պաշտոնանկություններ:
Սա կոռուպցիա է և վերջ:
Մամուլի հաղորդագրություն
