Երգիչ Բրունո Մարսը 6 «Գրեմմի» է ստացել հունվարի 28-ին Նյու Յորքում տեղի ունեցած 60-րդ մրցանակաբաշխությանը:
Բրունո Մարսի 24K Magic սկավառակը լավագույնն է ճանաչվել «Տարվա ձայնագրություն», «Տարվա ալբոմ» անվանակարգերում, իսկ Thatʼs What I Like ստեղծագործությունը՝ «Տարվա երգ»: Բացի այդ, նա ևս երեք «Գրեմմի» է ստացել R&B-անվանակարգերում («Լավագույն R&B կատարում», «Լավագույն R&B երգ» և «Լավագույն R&B-ալբոմ»):
«Տարվա դեբյուտ» անվանակարգում մրցանակ է ստացել կանադացի 21-ամյա երգչուհի Ալեսիա Քարան:
Ռեփեր Քենդրիկ Լամարը առաջատար է եղել բոլոր 4 ռեփ-անվանակարգերում, իսկ նրա Humble երգը ճանաչվել է լավագույն երաժշտական տեսահոլովակ:
Էդ Շիրանը ստացել է երկու «Գրեմմի» փոփ անվանակարգերում Shape Of You երգի և «÷ (Divide) ալբոմի համար:
«Լավագույն ռոք ալբոմ» է ճանաչվել The War On Drugs խմբի A Deeper Understanding սկավառակը, իսկ լավագույն այլընտրանքային ռոք ալբոմ՝ The National-ի Sleep Well Beast-ը:
Երգիչ Լեոնարդ Քոհենը և դերասանուհի Քերի Ֆիմերը հետմահու մրցանակի են արժանացել համապատասխանաբար «Լավագույն ռոք-կատարում» (You Want It Darker) և «Լավագույն խոսակցական ալբոմ» անվանակարգերում:
«Լավագույն գործիքավորում» անվանակարգում մրցանակ է ստացել երգահան Ռենդի Նյումանը Ռուսաստանի նախագահի մասին երգիծական «Պուտին» ստեղծագործության համար:
https://www.youtube.com/watch?v=mdyegeGkdL4
Պատրաստեց՝ Վիկտորյա ԱՆԴՐԵԱՍՅԱՆԸ
