ՍԴՀԿ կենտրոնական վարչության անդամ Նարեկ Գալստյանը գնաճի զսպման համար ինչպես նախկինում, այնպես էլ հիմա անհրաժեշտ քաղաքական կամքն ու գործիքակազմն է լուծում տեսնում:
«Գնաճը առաջին հերթին սոցիալապես անապահով քաղաքացու գրպանին հարվածող ծայրահեղ երեւույթ է, որը մեղմելու համար անհրաժեշտ քաղաքական կամք ու գործիքակազմ է հարկավոր»,- կարծում է Նարեկ Գալստյանը:
Անդրադառնալով որպես գնաճի զսպման մեխանիզմ գյուղացիական տնտեսությունները սուբսիդավորելու կառավարության նախաձեռնությանը՝ Նարեկ Գալստյանը շարունակեց. «Մեր կուսակցությունը միշտ կողմ է, որ պետությունն աջակցի գյուղացուն, աջակցի հնարավոր բոլոր ոլորտներին, իր վրա վերցնի պատասխանատվություն ու բեռ, բայց արդյոք դա բավարար գործիք է, որ եղած բացասական երեւույթները վերանան, դա արդեն չեմ կարող ասել»:
Ըստ նրա՝ բոլոր ներքաղաքական հարցերի մասին ՍԴՀԿ նոր վարչությունը առաջիկայում իր գնահատականը կտա, իսկ ՀՀԿ-ի առաջադրած նախագահի թեկնածուի մասին վատ տպավորություն չունեն. «Արմեն Սարգսյանի մասով, եթե լինի վերջնական որոշում, եղած իրականությունը հաշվի առնելով՝ մեր կարծիքը դրական է»:
Արփինե ՍԻՄՈՆՅԱՆ
