«Արշակ Դաբաղյանի անվան Մայր Մանե» ՀԿ նախագահ Մանուշակ Ստեփանյանին մտահոգում է ապրիլյան պատերազմից հետո բանակային խնդիրներով զբաղվող հ/կ-ների թվի աճի միտումը:
«Չեմ հասկանում, էն մութ տարիներին բոլորը սկսեցին կոշիկի գործ անել, մեկը սկսեց, հաջողություն ունեցավ, հետո բոլորը իրար հետեւից սկսեցին ու հաջողության չհասան: Հիմա կան ե՛ւ պետական, ե՛ւ լուրջ հ/կ-ներ, որոնք զբաղվում են այդ խնդրով, իմաստ չկա նոր հ/կ-ների, սնկի պես աճում են»,- այսօր «Նոյյան տապան» ակումբում ասաց Մանուշակ Ստեփանյանը:
Նա նաեւ ներկայացրեց ազատամարտիկների ընտանիքների մտահոգությունները՝ կապված հազար դրամների վճարման հետ՝ ասելով, որ շատ ազատամարտիկների ընտանիքներ նույնպես վճարում են այդ գումարն ու նեղվում, որ իրենցից գանձվում է:
Բացի այդ դժգոհությունից նա ներկայացրեց նաեւ զոհվածների ընտանիքների պահանջը. «Զոհվածների ծնողները խնդրում են իրենց հետ հանդիպել ու բոլոր այս հարցերին լուծում տալ՝ բնակարանների հարց, թոշակների ու կոմունալ վճարների հարցը: Այսօր ծնողներն ասում են, եթե պետությունը նորմալ թոշակ նշանակի, իրենք բոլոր խնդիրները կլուծեն»:
Արփինե ՍԻՄՈՆՅԱՆ
Լուսանկարը՝ Մանուշակ ՍՏԵՓԱՆՅԱՆԻ ֆեյսբուքյան էջից
