Հունվարի 24-ին երեկոյան Սիրիայի քրդական «Ժողովրդական ինքնապաշտպանական ջոկատները» Աֆրին շրջանից հրթիռակոծել են Թուրքիայի սահմանամերձ Քիլիս նահանգը։
Ըստ թուրքական «Cumhuriyet» թերթի կայքի՝ երկու հրթիռակոծություն է տեղի ունեցել, որի հետևանքով սպանվել է 2 մարդ, իսկ վիրավորվել 11-ը։
Սպանվածներից մեկը թուրք է, մյուսը՝ սիրիացի:
Թուրքական «Haberler» լրատվամիջոցն էլ հաղորդում է, որ հրթիռներից մեկն ընկել է 1682թ․ կառուցված Չալըք մզկիթի վրա։ Այդ ժամանակ տեղի մարդիկ նամազ անելիս են եղել:
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել է Սիրիայի քրդերի վերահսկողության տակ գտնվող սիրիական Աֆրին շրջան։ «Ձիթենու ճյուղ» անվանումով ռազմական գործողության վերջնական նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։
Աղբյուր` Ermenihaber.am
