ՀՀ տրանսպորտի, կապի և տեղեկատվական տեխնոլոգիաների նախարարությունը
տեղեկացնում է, որ հունվարի 24-ին՝ ժամը 20:00-ի դրությամբ, Արթիկի,
Կոտայքի, Աշոցքի, Դիլիջանի, Սպիտակի, Հրազդանի, Թալինի, Աշտարակի,
Արտաշավանի, Սևանի, Ապարանի և Ախուրյանի տարածաշրջանների ավտոճանապարհներին
ձյուն է տեղում:
Վարդենյաց լեռնանցքը դժվարանցանելի է:
Ճանապարհաշինարարներն ավտոճանապարհներին կատարում են մաքրման և աղով,
ավազով մշակման աշխատանքներ:
ՀՀ միջպետական և հանրապետական նշանակության բոլոր ավտոճանապարհները բաց
են:
ՀՀ տրանսպորտի, կապի և տեղեկատվական տեխնոլոգիաների նախարարության
լրատվական ծառայություն
