Մեզ մոտ գնաճը սխալ է հաշվարկվում։ Այս մասին այսօր լրագրողներին հայտնեց Հայաստանի սպառողների ազգային ակադեմիայի նախագահ Մելիտա Հակոբյանը։
«Վերցնում են թանկ ապրանքներից սկսած, գալիս են մինչև կանաչեղեն, միջինացնում են և ասում՝ ունենք 2.6 տոկոս գնաճ։ Մեր պես աղքատ երկրում մենք իրավունք չունենք նման հաշվարկ կատարել։ Որոշ մարդկանց ասելով՝ աղքատները կարագ, միս չեն ուտում, դա նրանց չի վերաբերվում։ Ո՛չ, պետք է հաշվարկվի առաջին անհրաժեշտության այն ապրանքների գները, որոնք անհրաժեշտ են մարդու կենսունակությունն ապահովելու համար»։
Մելիտա Հակոբյանը գտնում է, որ Կառավարությունը պետք է անցնի գործնական քայլերի։ Բացերը ոչ թե պետք է հարկային բեռի միջոցով լրացնել, այլ այս երկրի միջոցով հարստացածների խավը պետք է ներդրումներ կատարի։
Նյութն ամբողջությամբ՝ սկզբնաղբյուր կայքում
