Ջիբրալթարում մեկնարկել է «Tradewise Chess Festival» շախմատի միջազգային փառատոնը (10 տուր): Ուժեղագույնների խմբում հանդես է գալիս 276 շախմատիստ: Հայաստանը ներկայացնում են տղամարդկանց ազգային հավաքականի առաջատար Լեւոն Արոնյանը եւ կանանց ընտրանու առանցքային շախմատիստ Լիլիթ Մկրտչյանը:
Մեկնարկային տուրում Արոնյանը, թեկուզ սեւ խաղաքարերով, անակնկալ ոչ-ոքի արեց շախմատային վերնախավին անհայտ Անիտա Գարայի հետ, իսկ Լիլիթ Մկրտչյանը հաղթեց Կազիմ Յըլմազին (Նորվեգիա):
Աշոտ ՀԱԿՈԲՅԱՆ
