Շրջանային ժո­ղո­վի անդամները իրազեկվեցին ­կոա­լի­ցիոն կա­ռա­վա­րու­թյան շրջանակում ՀՅԴ մասնակ­ցու­թյան ար­դյունք­նե­րի մասին

2018 թ. հունվարի 20-21-ը, ՀՅԴ ­Բյու­րո­յի հրա­վե­րով, Երևանում տեղի ունեցավ Հայաստանի, Արցախի, ԱՊՀ երկրների, Եգիպտոսի, Իրաքի և Կիպրոսի ՀՅԴ մար­մին­նե­րի շրջանային ժո­ղո­վը:

Ժո­ղո­վին ներ­կա էին ՀՅԴ Բյու­րո­յի ներ­կա­յա­ցու­ցի­չը, Բյուրոյի անդամներ և ՀՅԴ նշված մարմի­նների ներ­կա­յա­ցու­ցի­չները:

Եր­կու օր տևած քննար­կում­նե­րի ընթացքում, ՀՅԴ ­Բյու­րոն ներ­կա­յա­ցրեց իր գործունեության վեր­ջին 15 ամիսների տե­ղե­կա­գի­րը, ո­րի լույսի ներքո ծավալվեց համապարփակ քննար­կում:

Շրջանային ժո­ղո­վի անդամները իրազեկվեցին ­Հա­յաս­տա­նի ներքա­ղա­քա­կան և արտաքին քաղաքական­ վեր­ջին զար­գա­ցում­նե­րի, կոա­լի­ցիոն կա­ռա­վա­րու­թյան շրջանակում ՀՅԴ մասնակ­ցու­թյան ար­դյունք­նե­րի, Հայաստանում Սահմանադրական նոր կարգի հաստատման գործընթացների մա­սին:

­Ժո­ղո­վը քննար­կեց Հա­յաս­տա­նում սոցիալական ար­դա­րու­թյան հաստատման, տնտե­սա­կան և անվ­տան­գու­թյան ոլորտների բա­րե­փոխ­ումները և, հար­ցում­նե­րի ու ար­ժևո­րում­նե­րի միջոցով, տվեց գնա­հա­տա­կան­ներ: Հա­տուկ ու­շադ­րու­թյան ա­ռար­կա դար­ձան Ար­ցա­խյան հար­ցի կարգավոր­ման վեր­ջին զարգացումնե­րը և այդ ուղղությամբ ՀՅԴ-ի կա­տա­րե­լիք աշխատանք­նե­րը:

Կարևորվեցին ­Հա­յոց բա­նակ­ի հզո­րաց­ման և հա­մա­ժո­ղովր­դա­կան զո­րակ­ցու­թյան ուղղությամբ նախաձեռնությունները: Արցախյան շարժման 30-ամյակի կապակցությամբ նշվեց, որ անհրաժեշտ է տեղերում պատշաճ կերպով նշել այդ իրադարձությունը և արցախահայությանը սատարելու և Արցախի Հանրապետության միջազգային ճանաչման հարցը պահել մշտական դիտակետում:

Հա­յաս­տա­նի տնտե­սա­կան խնդիրներին անդրադառնալով, ժողովը փաստեց, որ չնայած առկա են որոշ դրական տեղաշարժեր, սակայն արդյունքները դեռևս անբավարար են բնակչության սոցիալական կեն­սա­մա­կար­դա­կի բարձ­րաց­ման և սոցիալական բևեռացվածությունը մեղմելու ուղղությամբ:

Ժո­ղո­վը հան­գա­մա­նորեն լսեց նաև շրջան­նե­րի կազ­մա­կեր­պա­կան, քա­ղա­քա­կան և հա­րա­բե­րա­կան հիմնախնդիրները և հստակեցրեց դրանց լուծման միջոցները:

Անդ­րա­դար­ձ կատարվեց նաև ­Հա­յաս­տան-Սփյուռք հարաբերությունների բարելավմանը, ինչ­պես նաև Սփյուռ­քի համայնքների կա­յուն զար­գաց­ման և նո­ր սե­րնդի պատ­րաս­տու­թյան հիմնախնդիրներին:

Ժո­ղո­վը քննարկեց նաև ­Հա­յաս­տա­նի ­Հան­րա­պե­տու­թյան հիմ­նադ­րման 100-ամյա­կի ա­ռի­թով կազ­մա­կեր­պվե­լիք ձեռ­նարկ­նե­րը և այդ ուղղությամբ ներ­կա­յա­ցրեց առաջարկություններ:

Կառույցի առաջընթացի և հզո­րաց­ման ուղ­ղու­թյամբ ժո­ղո­վը ներ­կա­յա­ցրեց նոր առաջարկ­ներ և դիր­քո­րո­շում­ներ ճշտվեցին մի շարք այլ օ­րախն­դիր հար­ցե­րի շուրջ:

ՀՅԴ ՀԱՆՐԱՅԻՆ ԿԱՊԵՐԻ ԳՐԱՍԵՆՅԱԿ