Ում թեկնածությունն էլ, որ առաջադրեր ՀՀԿ առաջնորդ Սերժ Սարգսյանը, բնականաբար, կայծակնային արագությամբ, լրատվամիջոցներն ու ընդդիմադիր հատվածը պետք է վեր հանեին վերջինիս անցյալի մութ էջերը, նրա գործունեության բացասական կողմերը և անշուշտ՝ ինտրիգային պատմություններ, որոնցից շատերը միշտ չէ, որ աղերս են ունենում իրականության հետ կամ ուռճացված են մատուցվում:
Քննարկման հարթակներում՝ սոցիալական ցանցերում, լրատվամիջոցներում, տարբեր գործիչների անուններ շրջանառեցին, սակայն Սերժ Սարգսյանն, այսպես ասած, անակնկալ մատուցեց շատերին:
Չնայած նոր կառավարման համակարգը ենթադրում է, որ ապագա նախագահն ունենալու է այլ լիազորություններ և կարգավիճակ, և որոշումների ընդունումը տեղի է ունենալու խորհրդարանում, այնուամենայնիվ, երկրի ապագա նախագահի անձի անցած ճանապարհն ու հմտությունները, դրսի հետ ունեցած հարաբերությունները, այս դեպքում՝ Արմեն Սարգսյանի, շատերի համոզմամբ, կարող են դրական ազդեցություն ունենալ ՀՀ հեղինակության ավելացման գործում:
Թեմայի մանրամասները՝ տեսանյութում:
Սուրեն Սարգսյան
