Լոնդոնի «Արսենալի» գլխավոր մարզիչ Արսեն Վենգերը խոսել է իր թիմ տեղափոխված Հենրիխ Մխիթարյանի մասին:
«Մենք համաշխարհային մակարդակի ֆուտբոլիստին փոխանակեցինք համաշխարհային մակարդակի ֆուտբոլիստի հետ: Մխիթարյանը կարող է խաղալ եզրերում, կիսապաշտպանությունում, կարծում եմ՝ նա շատ դիրքերում կարող է խաղալ: Նա կարող է լավ համագործակցել Օզիլի հետ, այնպես որ, սա հաջողված տեղափոխություն է: Գուցե Հենրիխը քիչ է գոլ խփում, բայց նա այդ ցուցանիշը բարելավել է: Եթե նայենք կարիերայի ընթացքում նրա հեղինակած գոլերի քանակին, դա տպավորում է:
Ես ուրախ եմ՝ ունենալ ֆուտբոլիստ, որը նվիրված է եւ կենտրոնացած: Շատ կարեւոր է փորձառու ֆուտբոլիստներ ունենալը, քանի որ մենք երիտասարդ ֆուտբոլիստների լավ խումբ ունենք: Բայց մենք նաեւ գիտենք, որ Պրեմյեր Լիգայում նրանց պարզապես մեկտեղ հավաքելը բավական չէ: Թիմին փորձառություն է հարկավոր», – հայտարարել է Արսեն Վենգերը:
https://www.youtube.com/watch?v=WjgAuQxD4Kk
Աշոտ ՀԱԿՈԲՅԱՆ
