Ֆուտբոլի Հայաստանի ազգային հավաքականի ավագ Հենրիխ Մխիթարյանն այսօր նշում է 29-ամյակը:
Հայաստանի ազգային հավաքականի պատմության լավագույն ռմբարկուն ֆուտբոլային բազմաթիվ բարձունքներ է նվաճել միջազգային ասպարեզում՝ աշխարհին ճանաչելի դարձնելով Հայաստանը եւ հային:
Հենրիխ Մխիթարյանը Հայաստանի բազմակի չեմպիոն է, Հայաստանի անկախության գավաթի եւ Հակոբ Տոնոյանի անվան սուպերգավաթի տիրակալ, Դոնեցկի «Շախտյորի» կազմում 3-ական անգամ հաղթել է Ուկրաինայի պրեմյեր լիգայում եւ գավաթի խաղարկությունում, նվաճել Ուկրաինայի սուպերգավաթը:
Նա երկու անգամ դարձել է Գերմանիայի սուպերգավաթակիր («Բորուսիա», Դորտմունդ):
«Մանչեսթեր Յունայթեդի» կազմում Մխիթարյանը նվաճել է Եվրոպա լիգայի, Անգլիայի լիգայի, ինչպես նաեւ Անգլիայի սուպերգավաթը:
Հենրիխ Մխիթարյանը ութ անգամ ճանաչվել է Հայաստանի լավագույն ֆուտբոլիստ, ընդգրկվել 2017 թվականի Հայաստանի 10 լավագույն մարզիկների ցուցակ, 2 անգամ ճանաչվել Ուկրաինայի պրեմյեր լիգայի լավագույն ֆուտբոլիստ, դարձել Ուկրաինայի պրեմյեր լիգայի լավագույն ռմբարկու:
Մխիթարյանը հեղինակություն է բերել նաեւ «Մանչեսթեր Յունայթեդին»՝ դառնալով Եվրոպա լիգայի եզրափակչի լավագույն ֆուտբոլիստ եւ լավագույն ռմբարկու, մրցաշրջան 2016/2017-ին՝ ՄՅՈՒ-ի լավագույն գոլի հեղինակ:
Աշոտ ՀԱԿՈԲՅԱՆ
