«Այս տարվա տաք ձմեռը շատ է ուրախացրել քաղաքացիներին. ի վերջո, նրանք ստիպված չեն մեծ գումարներ ծախսել ջեռուցման համար: Սակայն եղանակային այս պայմանները մտահոգություն են առաջացրել հատկապես Արարատյան դաշտավայրի գյուղացիների մոտ. տեղումների բացակայության հետեւանքով ՀՀ-ում ջրամբարները այդպես էլ չեն լցվել, իսկ չլցվելու արդյունքում գյուղացիները ոռոգման սեզոնին կանգնելու են լուրջ խնդրի առաջ, եւ չի բացառվում` երաշտ լինի:
ՀՀ գյուղատնտեսության փոխնախարար Աշոտ Հարությունյանը մեզ հետ զրույցում ասել է, որ իսկապես մտահոգություն կա ոռոգման ջրի մասով: «Բայց այս պահի դրությամբ վաղ է խոսելը, որովհետեւ դիմացը բավականին ժամանակ կա: Այսինքն` հանրապետությունում մի քանի օր անընդմեջ տեղումների դեպքում արդեն այս հարցը դուրս կգա օրակարգից,- նշել է նա՝ հավելելով,- ճիշտ է` մտահոգություն կա, բայց դեռ ժամանակ ունենք, չէ՞ որ բնություն է…»:
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
