ՀՀԿ փոխնախագահ Գալուստ Սահակյանը հայտարարել է, թե ինքը մտահոգված է ոչ թե գնաճով, այլ գնաճի հետ կապված մարդկանց մտահոգությամբ։
«ՉԻ» – Այսինքն՝ Գալուստ Գրիգորիչին մտահոգում է այն, որ մարդիկ շատ են մտածում գնաճի մասին։ Այ, եթե քիչ մտածեն՝ ավելի լավ կլինի։ Իսկ իդեալական տարբերակն, ըստ հանրապետական մտքի անփոխարինելի տիտանի, այն կլինի, որ մարդիկ սուպերմարկետների նոր գնապիտակները տեսնելով ասեն «ա՛հ, տանձիս չի», նախկինի չափ առեւտուր անեն եւ որպես բոնուս՝ դրամարկղի մոտ մեկական տանձ ստանան։
Բայց պետք է արձանագրել նաեւ, որ Գալուստ Սահակյանն, ինչպես միշտ, միանգամայն անկեղծ է եւ բարձրաձայն ասում է այն, ինչ իշխանության մյուս ներկայացուցիչները չեն ասում։ Բարձրաստիճան պաշտոնյաներին գնաճն ինչո՞ւ պիտի մտահոգի, չէ՞ որ նրանք բոլորը բիզնեսներ ունեն եւ դրանից միայն շահում են։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
