Երբ նախագահի պաշտոնը քաղաքական է, նա մշտապես առնչվելու է քաղաքական որոշումների հետ, ինչպե՞ս կարող է ապաքաղաքական անձ լինել: Ավելին, երբ նշում ենք, որ նախագահի լիազորությունները կրճատվել են ու նա «արարողակարգային» պաշտոնյա է լինելու, ՀՀԿ-ականները հակադարձում են, թե ապագա նախագահը բավական շատ լիազորություններով է օժտված լինելու և շատ հարցերում մեծ դերակատարում է ունենալու:
Ի դեպ, նախագահի այս հայտարարությունից հետո սեփական կուսակիցները դժվարանում են պարզաբանել, թե ինչպես կարող է նախագահը լինել ապաքաղաքական: Օրինակ, ինչպես կարող է խորհրդարանն ընտրել մի անհատի, որը ոչ մի առնչություն չի ունեցել Հայաստանի քաղաքական կյանքի հետ, չունի հստակ տեսակետ քաղաքական զարգացումների վերաբերյալ:
Իզուր չեն նաև այս առնչությամբ սոցցանցերում քննադատություններն ու տարբեր ոլորտների ներկայացուցիչների անունների հրապարակումը, որոնք երբեք քաղաքականության հետ կապ չեն ունեցել: Հենրիխ Մխիթարյանից սկսած մինչև Գարիկ Մարտիրոսյան և Լևոն Արոնյան: Մարդիկ, ովքեր լավ տիրապետում են օտար լեզուներին, ունեն լայն կապեր Սփյուռքում և Հայաստանում, վայելում են հեղինակություն և, ամենակարևորը` երբեք քաղաքականությամբ չեն զբաղվել, որևէ կուսակցության անդամ չեն:
Ռուզան ԽԱՉԱՏՐՅԱՆ
Հոդվածն ամբողջությամբ՝ «Իրատես» թերթի այսօրվա համարում
