Վարչապետն այսօր մի հանձնարարական էլ տրանսպորտի կապի եւ տեղեկատվական տեխնոլոգիաների եւ ֆինանսների նախարարներին եւ Քաղաքաշինության պետական կոմիտեի նախագահին տվեց: Կառավարության անդամները պետք է մեկամսյա ժամկետում մշակեն եւ կառավարության աշխատակազմ ներկայացնեն ճանապարհաշինության եւ ճանապարհների հիմնանորոգման ոլորտում, ինչպես նաև ըստ անհրաժեշտության պետական գնումների այն ոլորտներում համապատասխան գործընթացում նախաորակավորման ինստիտուտը ներդնելու վերաբերյալ առաջարկություն:
Ըստ վարչապետի, ներկայումս գործող կառավարման արդյունքում ճանապարհաշինության եւ ճանապարհների հիմնանորոգման ոլորտում գնումների գործընթացն իրականացվում է առանց նախաորակաորման փուլի, ինչի արդյունքում նախագծային, տեխնիկական հսկողության եւ շինարարական աշխատանքները գործնականում առաջացնում են որոշակի խնդիրներ. «Նման խնդիրները նվազագույնի հասցնելու նպատակով միջազգային փորձում գնումների գործընթացում լայնորեն կիրառվում է նախաորակաորման ինստիտուտը»:
Լուսինե ԲՈՒԴԱՂՅԱՆ
