Քիչ առաջ խոշոր ավտովթար է տեղի ունեցել Գյումրի-Ջրառատ ճանապարհին՝ Բասեն գյուղ մտնող հատվածում․ բախվել են «Մերսեդես» և « 06» մակնիշի մեքենաները։ Ականատեսների պատմելով, «Մերսեդեսը» հայտնվել է դաշտում, իսկ կապույտ գույնի «06»-ից գրեթե ոչինչ չի մնացել։ 5 վիրավորի տեղափոխել են Գյումրի բժշկական կենտրոն։
Ինչպես Aravot.am-ին հայտնեց Գյումրի բժշկական կենտրոնի փոխտնօրեն Արմեն Խաչատրյանը, նրանք ստացել են տարբեր աստիճանի մարմնական վնասվածքներ․ գտնվում են հետազոտման և բուժման փուլում, վիճակները ծանր են։
Մեզ հայտնի դարձավ, որ հիվանդանոց տեղափոխվածներից 4-ը Ջրառատ գյուղից են, նույն ընտանիքի անդամներ են․ վնասվածքներ են ստացել Խչեյան ընտանիքի հայրը, մայրը ու երկու որդիները։ Հայրն ու որդիներից մեկը վերակենդանացման բաժանմունքում են, մայրն ու մյուս որդին՝ վնասվածքաբանական։
Գանգուղեղային վնասվածք է ստացել նաև նրանց մեքենային բախված վարորդի կինը։ Ըստ որոշ տեղեկությունների, Խչեյան ընտանիքը դուրս էր եկել մեռելտանից։ Նրանց մեքենային բախված վարորդը եղել է ոչ սթափ վիճակում․ այս մասին մեզ տեղեկացրեցին Գյումրի բժշկական կենտրոնից։ Բասեն գյուղի բնակիչների ասելով, նրանք, ամենայն հավանականությամբ, իրենց գյուղում մասնակցել են բանակի քեֆի։
Նունե ԱՐԵՎՇԱՏՅԱՆ
