Երեկ Տիգրան Պետրոսյանի անվան շախմատի տանը կայացան շախմատի Հայաստանի բարձրագույն խմբի տղամարդկանց 78-րդ եւ կանանց 73-րդ առաջնությունների բացման եւ վիճակահանության արարողությունները:
Կանանց առաջնության մեկնարկային տուրում այսօր միմյանց հետ կխաղան Մարիա Գեւորգյան-Աննա Խաչատրյան, Մարիա Կուրսովա-Սոնա Ասատրյան, Նարե Առաքելյան-Լիլիթ Գալոյան, Մարիամ Մկրտչյան-Աննա Սարգսյան, Սիրանուշ Ղուկասյան-Սուսաննա Գաբոյան զույգերը:
Տղամարդկանց առաջնությունը կմեկնարկի Կարեն Գրիգորյան-Զավեն Անդրիասյան, Արման Փաշիկյան-Հովհաննես Գաբուզյան, Շանթ Սարգսյան-Տիգրան Պետրոսյան, Ռոբերտ Հովհաննիսյան-Սամվել Տեր-Սահակյան,Մանուել Պետրոսյան-Հայկ Մարտիրոսյան զույգերի դիմակայությունով: Տիգրան Հարությունյանն ազատ է:
Աշոտ ՀԱԿՈԲՅԱՆ
