ՀՀ ԱԺ արտաքին հարաբերությունների հանձնաժողովն այսօր հավանության տվեց ՀՀԿ խմբակցության պատգամավորներ Ռուստամ Մախմուդյանի, Արմեն Աշոտյանի եւ Վահրամ Բաղդասարյանի ներկայացրած նախագիծը` «Ահաբեկչական խմբավորումների կողմից իրենց վերահսկողության ներքո գտնվող Իրաքի հանրապետության տարածքներում եզդի ժողովրդի նկատմամբ ցեղասպան գործողությունների դատապարտման մասին»: Հայտարարությունը վերաբերվում է 2014 թվականին, Հյուսիսային Իրաքում եզդիների ցեղասպանությունը դատապարտելուն:
Հարցի հիմնական զեկուցող, ՀՀԿ խմբակցության պատգամավոր Ռուստամ Մախմուդյանը`ներկայացնելով նախագիծն ասաց, որ ցեղասպանություն տեսած հայ ժողովուրդը չի կարող անտարբեր մնալ այս հարցի նկատմամբ: Ցավալի է համարում, որ 21-րդ դարում շարունակվել են նման ցեղասպան գործողությունները:
Նախագծում, ի դեպ, ամրագրված է, որ եզդիների ցեղասպանությունն իրականացվել է ահաբեկչական խմբավորումների կողմից: Ռուստամ Մախմուդյանը նկատեց`Սինջարում, սկզբնական շրջանում, հարձակման զոհ դարձան 800 եզդիներ, ցայսօր հինգ հազար եզդի կանայքեւ աղջիկներ գտնվում են գերության եւ ստրկության մեջ: Ասում է`կատարվածը շատ նման էր 1915-23 թվականների հայերի հետ կատարվածին:
Մանրամասները`տեսանյութում
Նելլի ԳՐԻԳՈՐՅԱՆ
