Հայ ազգը այն ազգերից է, որ Նոր տարին նշում են շատ ճոխ ու ճարպոտ ճաշատեսակներով, որոնց մեծ քանակությունը երկար ժամանակ պահպանում են՝ մոռանալով պահպանման կանոնները: Պետք է անպայման ժամկետի մեջ լինեն բոլոր մթերքները, քանի որ այդպիսի մթերքները հաճախ թունավորման պատճառ կարող են լինել: Սննդի թունավորման հետ ամեն ինչն էլ կապ ունի: Խառը սնունդը եւս կարող է սննդային թունավորման հանգեցնել:
Մասնագետները խորհուրդ են տալիս, որ ե՛ւ հում, ե՛ւ պատրաստի սննդամթերքը պետք է պահել իրենց համապատասխան ջերմաստիճանային պայմաններում եւ պետք է հստակ իմանալ, որ պատրաստի սննդամթերքը եւս ունի պահպանման ժամկետ: Սննդաբանները հաճախ են հորդորում, որ պետք է պատրաստել այնքան մթերք, որքան որ նախատեսվում է ուտել: Օրինակ, աղցանների պահպանման ժամկետը համարվում է 16 ժամ, այն էլ՝ սառնարանում: Եթե ձեր տանը տոնական օրերից դեռ պահպանվել է խմորեղեն, մի ափսոսացեք՝ թափեք աղբը՝ վտանգավոր է երկար պահպանել, որովհետեւ կրեմները շատ շուտ փչանալու հակում ունեն: Բացի տարբեր տեսակի մթերքներից, միշտ խնդիրներ են լինում նաեւ ալկոհոլի հետ, ուստի պետք է ուշադիր լինել, որ միաժամանակ մի քանի տեսակի ալկոհոլային խմիչքներ չխառնեք իրար:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
10.01.2018
