Ռուսաստանից արտաքսել են ծագումով Հայաստանից «ստվերային» գործարարի, որի անունը չի հաղորդվում: Նշվում է, որ նա եղել է մաքսանենգային գործունեության կազմակերպիչ:
Ծնունդով երևանցի տղամարդը 2016թ. փորձել է կազմակերպել «ստվերային» բիզնես: Այդ նպատակով նա փորձել է համոզել սահմանապահին, որպեսզի վերջինս գումարի դիմաց աչք փակի ծխախոտի խոշոր խմբաքանակի վրա:
Սակայն դա նրան չի հաջողվել. տղամարդը ձերբակալվել է, հարուցվել է քրեական գործ «կաշառք տալու» հոդվածով: Դատարանը նրան դատապարտել է մեկումես տարվա ազատազրկման:
Երբ պատժաժամկետը լրացել է, տղամարդն արտաքսվել է Հայաստան, և նրա մուտքը Ռուսաստան 8 տարով արգելվել է:
Պատրաստեց՝ Վիկտորյա ԱՆԴՐԵԱՍՅԱՆԸ
