«Բուլղարահայկական հարաբերությունները զարգանում են ամուր հիմքերի վրա եւ ունեն հարուստ ավանդույթներ: Դրա պատճառը երկու ժողովուրդների միջեւ դարավոր կապերն են եւ մշակութային մտերմությունը, ավանդույթների նմանությունն ու պատմական ճակատագրերը: Հարաբերությունները «ամրացված են» Բուլղարիայում հայ համայնքի առկայությամբ, որը հանդիսանում է կենդանի կամուրջ, կապող օղակ երկու ժողովուրդների միջեւ», «Առավոտ»-ին տված բացառիկ հարցազրույցում նշեց Հայաստանի Հանրապետությունում Բուլղարիայի արտակարգ եւ լիազոր դեսպան Մարիա Պավլովա Ցոցորկովա-Կայմակտչիեւան:
«Մեր երկկողմ հարաբերությունների բնական առաջնահերթությունը բարձր եւ բարձրագույն մակարդակի քաղաքական երկխոսությունն է: Այս բնագավառում անցնող տարում մենք սկսել ենք պատրաստվել կարեւոր իրադարձության ՝ Բուլղարիայի Նախագահ Ռումեն Ռադեւի պետական այցին, որը Հայաստան կժամանի Նախագահ Սերժ Սարգսյանի հրավերով այս տարվա սկզբին: Առեւտրատնտեսական համագործակցության հետագա զարգացումը երկկողմ հարաբերությունների ամրապնդման առանցքային արժեքն է», հավելեց դեսպանը:
Հայաստանի Հանրապետությունում Բուլղարիայի արտակարգ եւ լիազոր դեսպան Մարիա Պավլովա Ցոցորկովա-Կայմակտչիեւայի հետ բացառիկ հարցազրույցը կարդացեք հունվարի 10-ի տպագիր «Առավոտ»-ում:
ԷՄՄԱ ԳԱԲՐԻԵԼՅԱՆ
