ՀԴԿ նախագահ ԱՐԱՄ ՍԱՐԳՍՅԱՆԸ «Իրատեսի» հետ զրույցում ասաց, որ իրանյան իրադարձությունները գնահատելու համար նախ պետք է հասկանալ, թե ինչպիսի երկիր է Իրանը, ինչ կառավարման համակարգ ունի:
-Իրանը շատ կարևոր դերակատարություն ունի մեր երկրի համար: Իրանյան իրադարձություններին Հայաստանը պաշտոնապես չարձագանքեց: Ոմանք սա ճիշտ են համարում, մյուսները` ոչ: Այդուհանդերձ, Հայաստանի դիվանագիտական կորպուսը պե՞տք է արձագանքի դրանց:
-Նախ` մենք պետք է շահագրգիռ լինենք, որ Իրանում ամեն ինչ խաղաղ լինի, կայուն: Մեր երկրների հարաբերությունները պետք է զարգացնել: Սա միանշանակ է:
Իսկ ինչ վերաբերում է արձագանքմանը, եթե Իրանի իշխանություններն այդ արձագանքի կարիքն ունենային, կարծում եմ, համապատասխան ձևը կգտնեին, և դա կարվեր: Այլապես կստացվեր, որ մենք էլ ենք միջամտում նրանց ներքին խնդիրներին:
Մեր հայ համայնքն այնտեղ ևս մեծ դերակատարում ունի և լոյալություն է ցուցաբերում: Իրանցիները խորագետ ժողովուրդ են, բազմադարյան պատմություն ունեն, ամեն տեսակի փորձություններով անցել են: Այն ցույցերը, որոնք ի պաշտպանություն իշխանության են, և եթե անգամ դրանք կազմակերպված են նույն իշխանության կողմից, միևնույն է, ապացուցում են, որ կա լուրջ բազմություն, որն ուզում է պահել գործող ռեժիմը: Իհարկե, սա չի բացառում որոշակի փոփոխությունները երկրում:
Ռուզան ԽԱՉԱՏՐՅԱՆ
Հարցազրույցն ամբողջությամբ՝ «Իրատես» թերթի այսօրվա համարում
