shamshyan.com-ի տեղեկություններով՝ երեկ արտակարգ դեպք է տեղի ունեցել ՀՀ Արդարադատության նախարարության «Արմավիր» քրեակատարողական հիմնարկում:
Այնտեղ գտնվող կալանավոր Արթուր Սաֆարյանը ինքնավնասում է կատարել, ինչի հետևանքով էլ բանտապետի ժամանակավոր պաշտոնակատար փոխգնդապետ Խաչիկ Հարությունյանի որոշմամբ՝ (քանի որ բանտապետ Տիգրան Նավասարդյանը գտնվում է ամանորյա արձակուրդում:
Ըստ տեղեկությունների՝ այն անցկացնում է Հայաստանից դուրս) տեղափոխվել է մենախուց:
Մեր տեղեկություններով, պատճառն այն է, որ բանտում իրենց արտոնյալ համարող դատապարտյալներ Էդգար Սիմոնյանն ու Սպարտակ Դանիելյանը ծեծի են ենթարկել Ա. Սաֆարյանին, ստիպելով որ նա տեղափոխվի այլ տեղամաս: Նրանք իրենց համարում են ոչ միայն 6-րդ տեղամասի «զոն նայող», այլև բանտի աշխատակիցներին կարողանում են իրենց բռի մեջ պահել,- shamshyan.com -ի հետ զրույցում ասում էին բանտարկյալների մի քանի հարազատներ:
«Դատապարտյալների հիվանդանոց» ՔԿՀ-ում մահացել է նաև 42-ամյա կալանավոր Մհեր Խերունցը, ով առողջական խնդիրներ է ունեցել, և ըստ դատաբժշկի նախնական եզրակացության՝ նա մահացել է սրտանոթային անբավարարությունից:
Մանրամասներին կարող եք ծանոթանալ՝ «shamshyan.com»-ի կայքում:
