Դեկտեմբերի 31-ի լույս հունվարի 1-ի գիշերը անհայտ անձը գողություն է կատարել «Սեֆ ինթերնեյշնլ» ունիվերսալ վարկային կազմակերպության Վանաձորի մասնաճյուղից։ Նախնական տեղեկություններով, գողություն կատարած անձը կազմակերպություն է մտել լուսամուտից։
ՀՀ քննչական կոմիտեի մամուլի խոսնակ Սոնա Տռուզյանը Aravot.am-ի հետ զրույցում ասաց, որ դեպքի առթիվ հարուցվել է քրեական գործ, ՀՀ ՔՕ-ի 177-րդ հոդվածով. «Գողություն կատարած անձը գողացել է կազմակերպությունում առկա կամ այնտեղ պահվող ոսկյա զարդերը եւ կանխիկ գումարը։ Նախնական տվյալներով պատճառվել է մի քանի հարյուր հազար դոլարի վնաս»։
Տռուզյանի փոխանցմամբ, գողություն կատարած անձի հետ կապված ձեռք են բերվել նախնական տվյալներ, սակայն քննության շահերից ելնելով այս պահին հրապարակման ենթակա չեն։
Տաթեւիկ ՂԱԶԱՐՅԱՆ
