ՀՀ ԱԻՆ հիդրոմետ ծատայության օդերեւութաբանության կենտրոնի տնօրեն Գագիկ Սուրենյանը ԶԼՄ-ների հետ տարեվերջյան հանդիպման ժամանակ փարատեց տարածված այն մտավախությունը, թե օդի ջերմաստիճանը բարձր է, ուրեմն երկրաշարժ է լինելու:
«Մեր ազգաբնակչությանը հանգստացնելու համար մեկ անգամ եւս փաստում եմ, որ մինչեւ այսօր մթնոլորտային երեւույթների եւ երկրաբանական երեւույթների միջեւ որեւէ գիտական կապ չի հայտնագործվել: Այսինքն, մթնոլորտում կատարվող պրոցեսները՝ ջերմաստիճանի բարձրացում, նվազում որեւէ առնչություն չունեն երկրի ընդերքում՝ 10-20 կիլոմետր խորություններում, տեղի ունեցող երկրաբանական պրոցեսների հետ:
Կարծիքը, թե բարձր ջերմային ֆոնը երկրաշարժի նախանշան է, գալիս է 1988 թվականի դեկտեմբերի 7-ից, որովհետեւ այդ օրը շատ տաք է եղել: Դրանից է, որ մարդկանց մեջ վախ կա, որ եթե ջերմաստիճանը բարձրանում է, պետք է երկրաշարժով ուղեկցվի: Բայց նման կապ գոյություն չունի»:
Աշոտ ՀԱԿՈԲՅԱՆ
