Ֆուտբոլի Հայաստանի ազգային հավաքականի ավագ եւ «Մանչեսթեր Յունայթեդի» կիսապաշտպան, Եվրոպա լիգայի գավաթակիր Հենրիխ Մխիթարյանը, որը մարզական լրագրողների եւ հանրության քվեարկության արդյունքով Հայաստանի 2017 թվականի 10 լավագույն մարզիկներից մեկն է, Անգլիայի առաջնությանը մասնակցելու պատճառով չկարողացավ ներկա լինել Հայաստանի «Տարվա 10 լավագույն մարզիկներ» 2017 թվականի մրցույթի հաղթողների մեծարման արարողությանը: Սակայն Հայաստանի լավագույն ֆուտբոլիստը տեսաուղերձ էր հղել միջոցառմանը:
«Սիրելի հայրենակիցներ: Շնորհակալությունս եմ հայտնում ձեր վերաբերմունքի համար: Ձեր աջակցությունը ինձ համար կարեւորագույն շարժառիթներից մեկն է միշտ հանդիսացել: Ուրախ եմ ներկայացնելու Հայաստանը միջազգային հարթակի վրա եւ կշարունակեմ նորանոր հաջողություններով ուրախացնել բոլորին: Օգտվելով առիթից՝ ցանկանում եմ շնորհավորել գալիք Ամանորը եւ Սուրբ Ծնունդը՝ ցանկանալով բոլորիդ ուրախություն եւ բարեկեցություն»:
Աշոտ ՀԱԿՈԲՅԱՆ
Լուսանկարը՝ twitter.com/henrikhmkh-ի
