Կը դատապարտե՛նք կաշառակերութիւնը ու կաշառակերութեան դէմ պայքարի անվճռականութիւնը. «Ասպարեզ»

Դատապարտելը հաւանաբար դիւրին է ու աւելի հերոսական շեշտ մը ունի մէջը:

Կը դատապարտե՛նք կաշառակերութիւնը ու կաշառակերութեան դէմ պայքարի անվճռականութիւնը:

Կը դատապարտե՛նք կրաւորականութիւնը ու անընդունելի վիճակը փոխելու հաւաքական անկարողութիւնը:

Կը դատապարտե՛նք գաղափարական շեղումներն ու յանուն անմիջական եւ նպատակայարմար լուծումներու՝ դիւրին զիջողական վարքագիծը: Գաղափարական սկզբունքներու հաւատարմութիւնը կը պահանջէ զոհողութեան բարձր գին, որուն պատրաստ ըլլալը յատկապէ՛ս դժուար է՝ նիւթապաշտութիւնը կրօնական մոլեռանդութեամբ սատարող միջավայրի մէջ:

Կը դատապարտե՛նք հասարակական կեանքի մէջ տեղ գտած անձնակեդրոնութիւնն ու խմբակային գործելակերպը:

Կը դատապարտե՛նք ազգային վեհ զգացումներու չարաշահումով սեփական հարստութիւն կուտակելու ճղճիմ ճարպիկութիւնները:

Կը դատապարտե՛նք ազգային յանձնառութիւններէ խուսափելու բոլոր երեւոյթները:

Կը դատապարտե՛նք անհեռատես ծրագիրներով հաւաքական կեանք ղեկավարողները, որոնք նաեւ յատկանիշ ունին երկար կառչելու իրենց աթոռներուն՝ վանելով իրենց շրջապատէն նոր նախաձեռնութիւններու հակամէտ գործիչներ:

ԱԲՕ ՊՈՂԻԿԵԱՆ

Նյութի մանրամասները կարդացեք «Ասպարեզ»–ի կայքում