Նախորդ տարիների համեմատ լավագույն մարզիկներին ընտրելու ընթացակարգը ՀՀ սպորտի եւ երիտասարդության հարցերի նախարարության նախաձեռնությամբ փոխվել է: Այս տարվանից առաջին անգամ տարվա մարզական տասը հերոսներին որոշելու հնարավորություն էր տրվել նաեւ հանրությանը:
Մարզասերների sms հաղորդագրությունների եւ հավատարմագրված լրագրողների քվեարկության համադրության արդյունքով ամենաշատ միավոր վաստակած տասը մարզիկները կազմեցին Հայաստանի 2017 թվականի տասնյակը: Ընդ որում, այդ տասնյակում բոլոր տեղ զբաղեցնողները համարվում են հաղթող:
Ահա մարզական տարվա հերոսները. Հենրիխ Մխիթարյան, Արթուր Ալեքսանյան, Լեւոն Արոնյան, Գրիգոր Մխիթարյան, Մաքսիմ Մանուկյան, Հովհաննես Բաչկով, Սիմոն Մարտիրոսյան, Էդգար Ստեփանյան, Արթուր Թովմասյան, Տիգրան Կիրակոսյան:
Պարգեւատրման արարողության ժամանակ նրանց կշնորհվի միանման մրցանակ «Հայաստանի լավագույն մարզիկ 2017» մակագրությունով:
Աշոտ ՀԱԿՈԲՅԱՆ
