Էներգետիկ հարցերով ՄԱԿ-ի ազգային փորձագետ, Եվրասիական փորձագիտական ակումբի անդամ Արա Մարջանյանը կարծում է, որ 2026 թվականից Հայաստանն, այնուհանդերձ կանգնելու է ատոմակայանի փակման խնդրի առջեւ: Այսօր այդ մասին նա հայտարարեց Եվրասիական փորձագիտական ակումբի չորրորդ ամենամյա «ԵԱՏՄ երեք տարին. նվաճումներ եւ հեռանկարներ» թեմայով համաժողովի ժամանակ:
Հիշեցնենք, ՀՀ-ԵՄ համաձայնագիրը ստորագրելուց առաջ այդ վտանգի մասին կրկին ահազանգեր հնչեցին: Մինչդեռ, նախագահ Սարգսյանը հայտարարեց, որ ԵՄ համաձայնագիրը չի նախատեսում ՀԱԷԿ-ի փակում:
Aravot.am-ի հետ զրույցում, պատասխանելով հարցին`ստացվում է, նախագահն ապակողմնորոշո՞ւմ էր հասարակությանը, Արա Մարջանյանը պատասխանեց. «Ոչ: Դա նշանակում է, որ այդպիսի վտանգ կա: Այդ համաձայնագիրը ստորագրված է ԵՄ-ի եւ «Եվրոատոմ» կոչվող կազմակերպության հետ. ՀՀ-ն պետք է շահագործումից հանի ատոմակայանի երկրորդ բլոկը: Ըստ այդ համաձայնագրի, ՄԱԳԱՏԷ կոչվող կազմակերպությանը միանում է «Եվրոատոմ» կոչվող կազմակերպությունը`իր բոլոր 28 անդամների հետ: Դա նշանակում է, որ այդ 28 անդամներից յուրաքանչյուրը պոտենցիալ հնարավորություն ունի սահմանափակել ռուսական միջուկային տեխնոլոգիաների կիրառումը Հայաստանում: Այստեղ է վտանգը, որ 2026 թվականից հետո, կկանգնեք խնդրի առջեւ»:
Մանրամասները`տեսանյութում
Նելլի ԳՐԻԳՈՐՅԱՆ
